Wednesday, December 25, 2013

Говийн өглөө

Шүлгийг Л.Соронзонболд
Аялгууг С.Батболд
Энэ дууны шилгийг аав минь бичиж өгсөн юм үнэхээр сайхан шүлэг шүү. 1987 онд манай Цэцэг хамтлаг Дорноговь аймгийн төвд  очиж тоглох урилга ирсэн юм.
Би  очихдоо нэг сайхан говийн шинэ дуутай очимоор сэтгэл төрж аавд дууны үг захиалсан юм. Удалгүй аав дууны шүлгээ надад өгсөн юм. Шүлэг сайн тул аялгуу удалгүй төрсөн юмдаа. Энэ дууг анх Цэцэг хамтлагын дуучин Батболд, Мөнхчулуун хоёр дуулсан. Энэ хоёрын дуулснаар ард олонд тарсан даа.
Тэнүүн говийн өглөөний наран
Тэнгэрийг сүлэн сүлэн гэрэлтүүлсээр
Тэртээх ууланд  тунаран гийлээ
 Өглөөний нар мандлаа
 Өөдөө өөдөө хөөрлөө
Ганган говийн өглөөний наран
Газраас урган урган өндийсөөр
Галтай туяа нь над дээр туслаа
 Өглөөний нар мандлаа
 Өөдөө өөдөө хөөрлөө
Уудам говийн өглөөний наран
Уянга дуугаа нэмэн нэмсээр
Урам хайрлах ажилд  дуудлаа
 Өглөөний нар мандлаа
 Өөдөө өөдөө хөөрлөө

No comments:

Post a Comment