Бага насаа би хайрлаж явна

Үг: З.Түмэнжаргал

Ая: Л.Галмандах

Хүүхэд насанд хүргэж өгдөг
Галт тэрэг хэрвээ байдаг бол
Хүн бүхэн сууна даа гэж
Хааяа би боддог юм
Дахиад олдохгүй бага нас гэж
Дандаа хүмүүс ярьдаг юм
Эргээд хүүхэд болоосой гэж
Эмээ хүртэл хэлдэг юм
Тийм сайхан (тийм сайхан) ийм сайхан (ийм сайхан)
Бага насаа би хайрлаж явна ... хайрлаж явна
Гайхамшиг хүүхэд хоёр
Гар гараасаа хөтлөлцнөө гэж
Нарны гэрлээр ч бичмээр гэж
Найрагч ах нар хэлдэг юм
Тийм сайхан ... ийм сайхан ...
Бага насаа би хайрлаж явна хайрлаж явна, хайрлаж явна
Хүнд хэцүү дайны жилүүдэд
Хүүхдүүд ердөө урваагүй гэж
Зохиол номондоо том хүмүүс
Зориуд дурсан тэмдэглэдэг юм
Хүүхэд нас луу хүргэж өгдөг
Галт тэрэг хэрвэээ байдаг бол
Хүн бүхэн сууна даа гэж
Хааяа би боддог юм
Ийм сайхан (ийм сайхан) тийм сайхан (тийм сайхан)
Бага насаа би хайрлаж явна, хайрлаж явна ...
Бага насаа би хайрлаж явна ...