Wednesday, April 4, 2018

Аав, Ээж, Би дуун цэнгүүн

Хүүxдийн дууны хөгжмийн зохиолч С. Батболдын оролцсон “Аав, Ээж, Би” дуун цэнгүүн Европын таван оронд зохиогдож өнгөрөгч амралтын өдрүүдэд Стокхольм хотод амжилттай өндөрлөлөө.

Шведийн Вант улсад сурч, амьдарч байгаа монгол хүүхэд багачууд, эцэг эхийн дунд зохиогдсон “Аав ээж би” хүүхдийн дууны цэнгүүнд хөгжмийн зохиолч С. Батболд багш оролцсон байна. Тэрээр ирсэн үзэгчиддээ шилдэг уран бүтээлийн дээжээ танилцуулахын зэрэгцээ хэд хэдэн шинэ дуунаасаа зааж хамтарч дуулсан нь төрөлх хэл, соёлоо сурталчилсан арга хэмжээ боллоо.

"ААВ ЭЭЖ,БИ " дуун цэнгүүнд ерөнхий зохион байгуулагч "ТӨГС БИЛЭГТ" төвийн сурагчдын эцэг эх болон , Я.Золбаяр багштай 2А анги, Л.Үзмээ багштай 1А анги, Ж.Пүрэвсүрэн багштай 1Б анги, Э.Идэрцогт багштай Морин хуурын ангийн сурагчид мөн урилгаар "СУВДАН ӨРӨГ" сургалтын төвийн багш, сурагчид идэвхтэй оролцов
Монголын хүүхдийн дууны урын санг баяжуулан хөгжүүлэхэд үнэтэй хувь нэмэр оруулж буй С.Батболд багшийн зохиосон 180 гаруй хүүхдийн дуунуудаас “Багачуудын ордон”, “Бага ангийн багшдаа баярлалаа”, “Олуулаа”, “Миний ээж”, “Эрвээхэй”, “Цасхан”, “Миний дотны найзууд”,"Зүүдний Чингис" “Анхны хайр”... зэрэг олон сайхан дуу нь Монголын хүүхдүүдийн хит дуу хэвээрээ байсаар байгаа юм. Тэдгээрээс хамгийн ихээр сэтгэлд хоногчшиж, төгсөгчдийн сүлд дуу хэмээгддэг "Бага ангийн багшдаа баярлалаа” дуу гэхэд л 39 жил дуулагдсаар байна.
Тэрээр уран бүтээл туурьвахын зэрэгцээ олон авьяаслаг хүүхдүүдийн авьяас билгийг нээн хөгжүүлж урлагийн ертөнцөд гаргаж ирсэн бөгөөд одоо ч түүний шавь нар нь урлагийн од болон гялалзсаар явна. Гитарчин Өлзий-Орших, “Чингис хаан” хамлагийн гитарчин Ч.Саруулсайхан, “Хар сарнай” хамтлагийн “Маадай” буюу Б.Баяржаргал, “Никитон”-ий хөгжимчин Б.Цогоо, Г.Золбоо, “Маршал” хамтлагийн ахлагч Ц.Уянга, Д.Нармандах, дуучин Л.Байзда, Ч.Батболд, Ч.Мөнхчулуун, Өнөдэлгэр гээд олон алдартныг энд дурьдаж болно.
Ингээд “Төгс Билэгт” төвийн зүгээс энэхүү өдөрлөгийн үйл ажиллагааг дэмжин оролцсон Швед дэх Монголчуудын Үндэсний Холбооны тэргүүн Н.Номyн-Эрдэнэ, Швед дэх Монголын Залуучуудын Холбооны зөвлөлийн гишүүн М.Мягмарболд, гэрэл зургийн “СлаваФото” студи "ГЭГЭЭН ЭГШИГ "хамтлагийн ахлагч Л.Энхмэнд, ахмад багш Ц.Түмэнжаргал, Я.Сэрдамба, Ш.Янжиндулам нартаа нийт хүүхэд багачуудынхаа өмнөөс талархалаа илэрхийлье гэсэн байна аа

Берлин хотын МОНГОЛ сургуулийн сурагчид

Цэнгүүнд идэвхтэй оролцож бэлэг авсан аав хүү хоёр

Берлин хотын сурагчид, багш, эцэг эхчүүд дууны цэнгүүний дараа Батболд багш, сурвалжлагч Батбаярын хамт зургаа даруулав

Берлин хотын МОНГОЛ сургуулийн сурагч шинэ монгол дуу сурав.

Бельгийн нийслэл Брюссель хотын Оч сургуулийн сурагчид

Тоглолтын нээлт Наана зогсож буй бүсгүй бол Бельгид суугаа МЭСЯ-ны диломат ажилтан нээж үг хэлсэн юм.




Хамгийн наана байгаа эмэгтэй бол Бельгийн хөгжмийн дээд сургуулийн төгөлдөр хуурын багш бөгөөд миний дууны цэнгүүнд Би зурах дуртай дууг минь дуулж өгсөн нь миний сэтгэлийг их хөдөлгөсөн шүү





























Мэдээллийг бэлтгэсэн Стокхольм дахь МҮОНТВ-ын сурвалжлагч Р.Хишиг-Алдар

No comments:

Post a Comment